Vivir nun pisu del Principáu cuesta 77 euros mensuales de media

Asturies invirtió 7,4 millones en meyora, rehabilitación y arreglu de 374 viviendes en 2020

La renta media mensual de les persones que viven en dalguna de les 9.582 viviendes del parque autonómicu del Principáu ta en 2020 en 77 euros mensuales, cuatro menos que nel añu anterior, según la sociedá que xestiona los inmuebles del Principáu, Vipasa.

Estos datos tán recoyíos na memoria resume de Vipasa correspondiente al pasáu añu y que presentó güei la conseyera de Derechos Sociales y Bienestar, Melania Álvarez, en Villaviciosa, por cuenta de la entrega de les llaves de cinco viviendes públiques nel conceyu.

Según la conseyera, la baxada de la renta media ye pol calter flexible de los arriendos públicos, que, amás d'adaptase a la capacidá económica de cada inquilín cuando llega a la vivienda, revísense dacuando si cambien les circunstancies.