Vox y Foro piden que s'abra la ITV a la iniciativa privada

Pumares: Nun sedría "nengún drama" abrir les inspecciones de vehículos a la competencia

Los paros de cinco hores por turnu repítense los llunes, miércoles y vienres y tán allargando la espera pa poder pasar la inspección técnica a los vehículos n'Asturies.

Los sindicatos convocantes nun llograron pel momentu que'l Principáu atienda los sos pidimientos como son la vuelta a la xornada de 35 hores selmanales, una medría de plantiya o un plus d'antigüedá. Más bien al contrario, porque dende l'alministración autonómica considérense inasumibles dalgunes d'eses reivindicaciones y condicionen la negociación a que s'acaben los paros.

El desalcuentru y la persistencia de la fuelga llevaron inclusive al gobiernu rexonal a plantegar la posibilidá d'un cambéu na xestión pública de les ITV, un modelu que yá solo caltienen Asturies y Andalucía.

El conflictu abrió inclusive un frente ente los socios de gobiernu. Izquierda Xunida refuga cualquier privatización, anque Ovidio Zapìco refugó esti fin de selmana afondar nesta postura. Asina lo cunta'l conseyeru de Vivienda y coordinador xeneral d'IX n'Asturies.

La diputada de Podemos, Covadonga Tomé, tamién refuga la posibilidá de privatizar Itvasa y considera que'l conflictu llaboral podría iguase si'l gobiernu tuviera voluntá de solucionalu.