Vuelve'l mercáu selmanal de La Pola (Siero)
Menos puestos y midíes de seguridá pa vendedores y compradores
El mercáu selmanal de La Pola (Siero) volvió güei dempués de dos meses, con menos puestos y con midíes de seguridá, pero con munches ganes ente vendedores y compradores.
Volvieron una trentena de los más de 40 puestos que s'instalen cada martes y, ente los vendedores, la sensación foi bona.
Sedrá cuestión de tiempu acostumase a les nueves midíes, anque enagora, la xente aceptóles bien.
El mercáu testil de los martes, enagora, nun se celebra.