Vuelven a llevantar la fuexa d'El Rellán, en Grau

L'Asociación pa la Recuperación de la Memoria Histórica garra muestres d'ADN a 29 families

L’Asociación pa la Recuperación de la Memoria Histórica (ARMH) retomó’l llevantamientu de la fuexa d’El Rellán, en Grau, parada dellos meses por orde xudicial, y garra muestres d’ADN a 29 families de les que se tienen datos col envís d’identificar los restos humanos que puean atopase na zona.

El llevantaientu entamare en xunetu de 2020 y foi paráu pol xulgáu, qu’abrió dilixencies archivaes darréu al pasar "abondo" el plazu de 20 años afitáu nel Códigu Penal polo que consideraba prescritu’l posible delitu.

Nos trabayos fechos va un añu, l’ARMH alcontró los restos de polo menos tres persones con signos de violencia y 19 restos de bales nuna zona conocida pola posible existencia d’una fuexa común de la Guerra Civil, lo que facía presumible que fueren persones represaliaes na guerra.