Xixón acueye los X Xuegos Nacionales de Tresplantaos

Barbón destaca que los tresplantes son una práctica "frecuente y esitosa"

El presidente del Principáu, Adrián Barbón, destacó les meyores rexistraes nel desenvolvimientu de tresplantaes que dexaron pasar d'actuaciones con amenorgaes posibilidaes y múltiples entueyos a ser una práctica "frecuente y esitosa".

Asina lo dixo esti vienres en Xixón na inauguración oficial de los X Xuegos Nacionales de Tresplantaos, que cunten con cuasi 200 inscritos, distribuyíos en categoríes que van dende menores de cinco años a mayores de 80.

Na so intervención, el máximu responsable del Executivu rexonal destacó que la solidaridá ye una "traza propia" d'España, que queda atestiguada colos datos que reflexen más de 4.420 tresplantes en 2020, y sorrayó que dende la creación de la Organización Nacional de Tresplante ficiéronse más de mediu millón de tresplantes, fueren d'órganos, texíos o célules