Xixón nun se llibra de la perda xeneralizada de población

El conceyu, a la espera de que s'introduzan midíes al llargu plazu pa revertir esta situación

Xixón nun escapa del enclín xeneralizáu n'Asturies de perda de población. Solo nos postreros 10 años el conceyu perdió más de 2.000 habitantes, y eso a pesar de qu'esti últimu añu esperimentóse un repique con 310 nueves persones censaes. Sicasí, esta sangría demográfica ye menor  que nel conxuntu de la rexón.

Activos que fixeron de Xixón un focu d'atracción pa la emigración. El númberu de persones estranxeres censaes supera les 24.000, siendo la comunidá rumana la más numberosa con cuasi 2500 persones. A ello, súmase otru tipu d'emigración: la interior.

Sicasí, les perspectives de cara al futuru nun son nada bones. Los estudios demográficos señalen que Xixón va perder un númberu significativu de población nos próximos 15 años.

A los efectos qu'esta situación va suponer en cuanto al sistema de pensiones o los costos sanitarios, consecuencies comunes a los territorios sometíos al avieyamientu de la población, súmense otru tipu d'efectos.

Un Xixón, que como'l restu d'Asturies, va avieyar nos próximos años a la espera de que s'introduzan midíes a llargu plazu que dexen revertir esta situación.