Xixón nun va quitar el monumentu dedicáu a los Héroes del Simancas de la Inmaculada

Propuesta conxunta plantegada por IX y Podemos nel plenu d'esti xueves

El Conceyu de Xixón nun va quitar el monumentu "franquista" dedicáu a los Héroes del Simancas, allugáu na fachada del colexu de la Inmaculada, como pidía la propuesta conxunta plantegada por IX y Podemos nel plenu d'esti xueves.

La iniciativa nun salió alantre yá que Vox, Partido Popular, Foro y el conceyal non adscritu votaron a la escontra, mientres que PSOE, IX y Podemos fixéronlo a favor.

La proposición tamién pidía que la corporación amosara la so condena énte l'actu d'esaltación "franquista" que tuvo llugar el pasáu 28 de xunu frente al monumentu, y el so compromisu coles lleis de memoria democrática vixentes.