Xixón restaurará'l doble sen de circulación nel pasu d'El Muro

La hostelería reclama un proyectu definitivu, dempués de los continuos cambeos

L’Ayuntamientu de Xixón ta a la espera de que’l Xulgáu de lo Contencioso-alministrativo númberu 1 confirme la recepción de la fianza presentada ayeri por “Stop Muro”. Momentu a partir del que s’entamarán les obres pa restaurar el doble sen de circulación nel paséu d’El Muro. Y mientres, la hostelería cerca del paséu nun oculta’l so cansanciu y el so desconciertu polos continuos cambeos nesti espaciu. Reclamen una solución definitiva.

Dende’l Consistoriu insístese na voluntá de cumplir dafechu l’autu xudicial. La intervención llevaráse alantre en cuantes se notifique al Ayuntamientu la entrega de los 48.000 euros d’aval y col menor costu económicu posible.

La decisión del Ayuntamientu ye firme. El tráficu dende la rotonda d’El Río Piles eliminará’l 'cascayu', pero namás habrá un xiru per Menéndez Pelayo. La carril bici caltendrá’l so asitiamientu actual.

La hostelería, cansada, reclama un proyectu definitivu. Porque llegaos a esti puntu, los hosteleros dulden si ye meyor una mayor presencia d’automóviles o de peatones. De lo que tán seguros ye de la inconveniencia de qu’haya obres en branu.

Unes obres inevitables por mandatu xudicial y con un resultáu que siguirán ensin convencer a naide.