Xixón va abrir tres sableres pa tomar el sol y bañase con aforos controlaos

Va controlase l'aforu con un equipu d'ente 20 y 30 persones y l'ayuda d'una plataforma informática

El Conceyu de Xixón tien previsou abrir esti branu les sableres de San Llorienzo, Poniente y L'Arbeyal nes que podrá tomase el sol y bañase y va controlase l'aforu con un equipu d'ente 20 y 30 persones y l'ayuda d'una plataforma informática.

Asina lo afirmó en rueda de prensa l'alcaldesa de Xixón, Ana González, que nun tien previsto abrir les sableres al bañu esti llunes pese al previsible pasu d'Asturies a la Fase 2 de la desescalada y ta a la espera de la orde ministerial p'afitar la fecha concreta d'apertura de los arenales.

González esplicó que Xixón plantega abrir namás les tres sableres urbanes, nes que va haber serviciu de limpieza y dende'l 1 de xunu de salvamentu, pa tomar el sol y el bañu mientres que les actividaes deportives van poder facese nes últimes franxes horaries del día cuando baxe'l númberu de de bañistes.

L'accesu a les sableres nun va tener llende de tiempu y, amás, va dexase tomar el sol nos parques de la ciudá pa desconxestionar los arenales y poder respetar los aforos.