Xixón va allugar el primer centru autorizáu d'España d'esmantelamientu de barcos

Va tar allugáu n'El Musel y va cuntar con 12 trabayadores

Xixón va cuntar enantes de final d'añu col primer centru autorizáu pola Xunión Europea n'España d'esmantelamientu de barcos.

El centru, que va tar n'El Musel, necesitó l'autorización medioambiental integrada y inclusive va cuntar cola so propia depuradora pa tratar l'agua. Ellí va esmontar los barcos pa reutilizar les sos pieces o bien reciclales o tratales como residuu.

Tolos barcos que dexen de salear tienen que ser esmantelaos siguiendo unes normes ambientales. Hasta agora n'España pa cada barcu esmanteláu había que pidir una autorización única, al nun haber un centru oficial.

DDR Vessels Asturies espera captar embarcaciones de tol país y va tratar ente 3 y 10 barcos al añu, dependiendo del tonelaxe.

El mes que vien van empezar les obres pa construyir esta planta que va llegar a cuntar con 12 trabayadores.