Xixón va dedicar la plaza de toros namás a conciertos y nun va acoyer más corríes

Ana González: "¿Por qué tengo que retratame?"

L'alcaldesa de Xixón, Ana González, ratificóse na so decisión de nun prorrogar la concesión de la plaza de toros d'El Bibio y de poner fin a la Feria Taurina de Begoña, pa dedicar la plaza a conciertos y actuaciones musicales.

L'alcaldesa fixo estes declaraciones na Feria Internacional de Muestres d'Asturies (Fidma) onde repitió que la decisión yá taba tomada, pero que “la gota qu'enllenó'l vasu” foi'l fechu de que tres toros de la postrer corrida de la Feria de Begoña que toreó Morante de la Puebla llevaren el nome de “Feminista” y “Nigeriano”.

“Mio tía Gervasia llamábase Gervasia y nengún siguimos llamándonos Gervasia”, destacó l'alcaldesa, quien sostuvo que los nomes evolucionaron “munchísimo” y “les tradiciones nun son inamovibles”, en referencia al fechu de que los toros hereden los nomes de sos madres.

“¿Por qué tengo que retratame?”, preguntóse l'alcaldesa tres ser entrugada sobro les crítiques llevaes alantre por partíos políticos y el mundu de los toros, y enantes d'afitar en que la plaza de toros ye un equipamientu municipal qu'hasta agora se dedicaba unos díes d'agostu a usos taurinos y que d'equí p'alantre convertiráse nun centru de media capacidá pa conciertos.