Xixón va executar el mandatu xudicial y va volver el tráficu a El Muro

Ana González: "Va executase y puntu"

L'alcaldesa de Xixón, Ana González, aseguró esti vienres que'l Conceyu va executar el mandatu del Xulgáu de lo Contencioso Alministrativo númberu 1 d'executar provisionalmente la sentencia na que reclamaba restituyir el tráficu en dambos sentíos n'El Muro de San Llorienzo.

Nel autu, de fecha 18 de mayu y escontra la que pue haber recursu d'apellación en quince díes, la xueza señala que nun se ve que la restitución del tráficu rodáu produza una "situación irreversible", nin trai perxuicios d'imposible arreglu.

Por ello, apuerta a la solicitú de l'asociación “Stop Muro” d'execución provisional de la sentencia, una vegada que seya pagada la caución de 47.958 euros pidida pol Conceyu, porque la execución “implica adaptar y señalizar la zona, quitar el moblame urbanu y efectuar protección peatonal”.

“Va executase y puntu”, aseguró l'alcaldesa, quien afirmó que les sentencies o autos xudiciales tán “pa cumplilos”.