Xuba d’ayudes Leader de sofitu al mediu rural

Dexará abrir dos nueves convocatories pa subvencionar proyectos

El Principáu y 11 grupos d’acción local que xestionen el programa Leader de sofitu a la diversificación de la zona rural roblaron esta mañana la xuba nes ayudes Leader de sofitu al mediu rural. Son 32 millones d’euros que s’amiesten a los 70 colos que yá cuntaba’l programa.

La xuba de 32 millones d’euros nes ayudes Leader dexará abrir dos nueves convocatories pa subvencionar proyectos de sofitu al mediu rural en 2020 y 2021. La partida amiéstase a los 70 millones colos que yá se financiaba’l Programa dende l’añu 2014.

Una nueva inyección económica acoyida de forma mui positiva polos once grupos d’acción local que se beneficiarán d’ella. Alcaldes y axentes locales implicaos pidieron amenorgar la burocracia pa optar a les ayudes, meyorar les bases de les convocatories y ampliar plazos.

Dende 2016, el Leader repartió más de 44 millones d’euros ente 1.106 proyectos. Siete de cada 10 fueron iniciatives empresariales privaes. Valieron, sobre manera, pa lluchar escontra’l despoblamientu. Unu de los temes de debate de los cinco periodistes que participaron na mesa redonda 'El Leader en Los Medios de Comunicación'.