Xube a emerxencia'l Plan d'Inundaciones énte llenes puntuales

Una situación qu'afecta especialmente al Nalón

El Gobiernu del Principáu xubió a fase d'emerxencia, al rexistrase delles llenes puntuales, el Plan Especial de Protección Civil énte inundaciones activáu tres la xuba del nivel de los ríos provocada pol desxelu dempués de les nevaes de les últimes selmanes, una situación qu'esti llunes afecta especialmente al Nalón.

Según los datos de la Confederación Hidrográfica del Cantábricu (CHC), el ríu Nalón ta en nivel d'alerta al so pasu per Quinzanas, en Pravia, onde algama los 2,94 metros con enclín estable.

Amás, ta en nivel de prealerta los ríos Narcea, en Requeixu (Salas) y Courias (Cangas); l'Eo, en Santiso d'Abres; el Pigüeña, en Miranda.

En siguimientu tán l'Esva, al so pasu per Trevías (Valdés); el Narcea, en Miranda; el Nalón, en Grullos (Candamu); el Noreña, en La Fresneda (Siero): el Caudal, n'Argame (Morcín) y el Nalón n'El Condáu (Llaviana).

Esta nueva fase decretada (Situación 0) supón que se tán rexistrando inundaciones. La so atención pue quedar asegurada por aciu de los medios y recursos disponibles na zona.