Webcams
Buscar
Más de 400.000 turistes y 1,2 millones de nueches d'agospiu nel Principáu
El turismu nel Principáu consolídase con cifres de récord. Xunetu cerró con más de 400.000 turistes y 1,2 millones de nueches d'agospiu. Datos que meyoren les cifres del añu pasáu.
Nel acumuláu de los siete primeros meses del añu pasóse de los tres millones de nueches d'agospiu superando en más del 60% al añu pasáu. Amás, visitaron el Principáu 1,2 turistes; supón una medría del 80%. Son bonos datos, pero dende Otea quieren fuxir del trunfalismu.
Esmolecen los costos de la enerxía y sobre manera desestacionalizar la ufierta. Nesi sen, valórase la mayor presencia de turistes estranxeros. En xunetu llegaron un 20% más que nel añu prepandemia y el doble que l'añu pasáu. Espérase que colos trayectos que tán a nada de llegar puea medrar la cifra.
Los datos d'empléu nos agospiamientos turísticos tamién fueron positivos al esperimentar una medría del 2,8% sobre xunetu de 2021 hasta algamar los 6.997 empleos.
