Xunta pa coordinar la seguridá del Descensu Internacional del Seya

El dispositivu va ponese en marcha'l miércoles 31 de xunetu y va dir medrando hasta'l 4 d'agostu

Delegación de Gobiernu allugó una xunta pa coordinar la seguridá del Descensu del Seya y de la fiesta de les piragües que se van celebrar el primer fin de selmana d'agostu.

El dispositivu, que va movilizar una gran cantidá de recursos, va ponese en marcha'l miércoles 31 de xunetu y va dir medrando hasta'l 4 d'agostu tanto en Les Arriondes como en Ribeseya.

Na xunta tuvieron miembros del Codis, los conceyos implicaos, Policía, Guardia Civil y Tráficu pa garantizar la coordinación d'unu de los eventos más multitudinarios del branu n'Asturies.