Vecinos y comerciantes de Casu confíen nel impulsu turísticu del banzáu de Tañes

Hosteleros con ganes d'invertir na zona piden más detalles del proyectu

Dempués d'un llustru d'espera los vecinos de Casu tán contentos y esperanzaos al ver les primeres máquines trabayando nes obres pa consiguir que'l banzáu de Tañes seya navegable en 2023. Porque esperen que puea suponer un revulsivu pal empléu y el turismu de la zona.

Emiliano Morán cuenta cómo va años, de guah.e, venía bañase a Tañes. Sabe que quiciabes el próximu añu bañase non, pero navegar va ser posible en Tañes y al igual que munchos vecinos cree que pue ser un revulsivu económicu pa esta zona.

N'El Valle hai hosteleros con ganes d'invertir na zona anque piden más detalles del proyectu. Pel momentu saben que s'afitó un máximu de 33 embarcaciones ensin motor al empar n'agua, a les que podríen xunise nueve de la Federación Asturiana de Piragüismu pa entrenamientu deportivu.