El SIBO, la enfermedá dixestiva que se viralizó en redes sociales

Les consultes por estos síntomes dixestivos medraron ente un 30 y un 40% dende la pandemia

El SIBO o sobremedría bacteriana nel intestín delgáu pue causar dixestiones pesaes, hinchazón, gases y otros problemes.

Les redes sociales punxéronla de moda. El SIBO paez ser la causa de cuasi tolos problemes dixestivos de la población

Cristóbal de la Coba, especialista en Dixestivu del Hospital Ribera Covadonga, alvierte que poques vegaes el SIBO ta tres d’esos síntomes. Pa confirmalo, sedría imprescindible facer una prueba d’aire espirao, pero enantes, espliquen los dixestivos, hai que descartar otros problemes y facer otres pruebes.

La verdá ye que cada vegada hai más pacientes con síntomes dixestivos y cada vegada son más moces. Tener un cuadru víricu podría ser una causa y, de fechu, dende la pandemia les consultes d’esti tipu medraron al rodiu d’un 35%.

Cuasi 8 de cada 10 consultes qu’atienden na sección de dixestivu del Hospital Ribera Covadonga son por estos síntomes. Síntomes que, munches vegaes esplíquense por una intolerancia alimentaria o un colon irritable.

Lo importante, destaquen, ye consultar col médicu de cabecera y él derivaríanos a un especialista.