Avilés lidera un proyectu européu pa la mengua de CO2 de les empreses

L'Ayuntamientu ufierta a les compañíes una aplicación pa la medición de la güelga de carbonu

Avilés lidera un proyectu européu pa la mengua de CO2 de les empreses. L’Ayuntamientu ufierta a les compañíes una aplicación pa la medición de la güelga de carbonu. El cálculu dexará tamién a les pymes amenorgar costos, amás del impactu mediuambiental de l'actividá. La empresa avilesina Trelia Data foi la encargada de desendolcar esta ferramienta.

Ye una aplicación que s'ufierta de baldre. Ta sobre manera pensada pa empreses industriales, anque ye d'utilidá pa toa triba de compañíes, inxertes les d'hostelería y comerciu.

L'oxetivu ye concienciar a les empreses y propón midíes correctores. Enagora, esti cálculu nun ye obligatoriu anque podría selo nel futuru, porque les multinacionales yá tán obligaes a tener una memoria de sostenibilidá.

Según los espertos, calcular la güelga de carbonu beneficiará a los usuarios, porque dexa abaratar costos optimizando recursos, meyorar la imaxe corporativa pol so compromisu cola sostenibilidá o atraer nuevos talentos.

A esta ferramienta pue averase dende la páxina web del Club de Calidá.

https://www.clubcalidad.com/