Comer ablanes pue retrasar o evitar enfermedaes neurodexeneratives

Habría que comer ente 60 y 80 gramos al día y amenorgar comer otres caloríes

Comer ablanes con frecuencia pue retrasar o evitar enfermedaes neurodexeneratives. Un estudiu de 2024 axunta les investigaciones asoleyaes al respective nos últimos años en tol mundu.

Introducilos na dieta pue retrasar o evitar enfermedaes neurodexeneratives, inclusive en persones predispuestes xenéticamente a desenvolveles, esplica Sergio Calleja, neurólogu y Coordinador de la Unidá d'Ictus del HUCA.

Sicasí, los neurólogos puntualicen que mientres l'efectu protector pal corazón y los vasos sanguíneos d'ablanes y restu de frutos secos demostróse n'humanos, nesti campu hai qu'investigar más.

Habría que comer un puñáu grande d'ablanes al día, ente 60 y 80 gramos, pa beneficiase de les propiedaes d'esti frutu tan saludable y tan nuesu y menguar comer otres caloríes.