Xixón acueye per primer vegada la NASA Space Apps Challenge

L'hackaton celébrase de forma simultánea en 187 ciudaes de tol mundu

Xixón acueye per primer vegada la NASA Space Apps Challenge. Un hackaton que se celebra al empar en 187 ciudaes de tol mundu y nel que los equipos enfréntense a unu de los 21 retos plantegaos por científicos y inxenieros de l'axencia. Los ganadores van presentar les sos propuestes en Cabu Cañaveral.

Un total de 21 retos y 17 equipos d'ente cuatro y seis persones. La temática: el sistema solar. Los perfiles, bien diversos, non solo venceyaos al mundu científicu.

Tres 48 hores de trabayu, mañana va escoyese a tres equipos finalistes. El ganador a nivel nacional va viaxar hasta'l Kennedy Space Center, en Cabu Cañaveral, pa esponer les sos idees énte los espertos de la NASA. Proyectos rellacionaos, por casu, colos recursos hídricos o los exoplanetes.

Ye la primer vegada qu'Asturies acueye esti hackathon. Xunto a Xixón, otres seis ciudaes españoles fueron parte d'un fin de selmana de trabayu n'equipu, ciencia y tecnoloxía.