Endocrinos y nutricionistes piden que los pacientes tengan accesu a los tratamientos pa lluchar escontra la obesidá

Los "padres" del fármacu Ozempic recibieron esti añu'l Premiu Princesa d'Asturies d'Investigación

1.300 especialistes dirán hasta’l vienres a Conferencies y simposium n’Uviéu nun certame nel que l’Ozempic y fármacos derivaos p’amenorgar la obesidá tarán presentes. Los espertos insisten en que lo más importante ye que la sociedá tenga accesu al medicamentu ensin nengún tipu de discriminación, destaca Edelmiro Luis Menéndez, presidente del Comité Local del 65 Congresu de SEEN.

El costu del tratamientu pue superar los 300€ mensuales, por esi motivu consideren importante que lo cubra la seguridá social. Aseguren que los beneficios d’esta medicación valdrán p’aforrar n’enfermedaes derivaes de la obesidá, asegura Ignacio Bernabéu, presidente de la Sociedá Española d’Endocrinoloxía y Nutrición.

Los espertos recalquen la importancia del fármacu y de los sos creadores, Premiu Princesa nesta edición y más nuna comunidá autónoma como Asturies, segunda con mayor tasa d’obesidá apunta María Ballesteros, presidenta del Comité del Programa del 65 Congresu SEEN.

Pa evitar llegar a esti puntu los endocrinos y nutricionistes insisten na importancia d’unos vezos de vida saludables, qu’inxerten deporte y una alimentación que medre’l consumu de vexetales y mengüe’l de grasa.