Los salmones que vienden nes pescaderíes asturianes son seguros pal consumu humanu

Una investigación de les universidaes d'Uviéu y Salamanca revela que solo'l 2% de los exemplares analizaos supera la llende de plomu dexáu

Los investigadores analizaron 54 amueses de 4 especies de salmones. Toes importaes d'otres rexones y mercaes en distintes pescaderíes d'Asturies. L'estudiu tuvo en cuenta les llendes de metal afitaes pola Xunión Europea pa un consumu seguru y la inxesta selmanal tolerable.

Solo un salmón procedente del Pacíficu presentó una cantidá de plomu non apta pal so consumu apunta Carlos Valiente, doctorando de Bioloxía Molecular y Celular de la Universidá d'Uviéu

Más frecuentes son los errores nel etiquetáu de los salmones del Pacíficu que se vienden n'Asturies.

L'estudiu tamién amosó les diferencies nel nivel d'arsénicu de les truches arcu iris de dos ríos asturianos señala Verónica Soto, profesora del Departamentu de Ciencia y Tecnoloxía Náutica de la Universidá d'Uviéu.

Resultáu: más presencia d'arsénicu nes truches del Pigüeña pero ensin perpasar les llendes establecíes.

España ye'l segundu país européu que más pescáu consume y el salmón ye la segunda especie preferida polos consumidores.