El Principáu celebra que Tess Defence instale n'Asturies una fábrica d'alta tecnoloxía

Borja Sánchez considera que'l proyectu "va tener un impactu mui importante na cadena de suministros de la inxeniería manufacturera del Principáu"

El Gobiernu d'Asturies treslladó a Tess Defence el so contentu pola decisión d'instalar n'Asturies una fábrica y una infraestructura d'inxeniería avanzada y diseñu nel sector de la defensa.

El Principáu considera qu'esti proyectu va ser clave pa la rexón y va actuar como tractor na creación d'empléu y empreses anovadores, apunta l'Executivu nuna nota.

El conseyeru de Ciencia, Empreses, Formación y Empléu, Borja Sánchez, xulgó como mui positiva la noticia y indicó que'l proyectu va más allá de la iniciativa anunciada va cuatro meses pola secretaria d'Estáu de Defensa, Amparo Valcarce.