La dana ye una manifestación clara del cambéu climáticu, alvierten la comunidá científica y asociaciones ecoloxistes

Adán Abajo, doctor n'Ecoloxía y activista, asegura que refugar el cambéu climáticu pue tener efectos mortales  

Imáxenes del pasu de la dana demuestren que’l cambéu climáticu ye una realidá y que les sos consecuencies sedrán cada vegada más avezaes y violentes. Frente a una realidá incontestable, Rebelión Científica llama a la movilización ciudadana. Recuerden que la evidencia científica ta ehí y qu’agora solo falta creésela apunta Adán Abajo, doctor n’Ecoloxía y activista de Rebelión Científica.

Adán Abajo, biólogu y doctor n’Ecoloxía, reconoz qu’entá nun se llegó a un puntu de non retornu y qu’entá hai ciertu marxe non pa meyorar, sinón pa salvar les consecuencies de cambéu climáticu.

Nun escenariu de temperatures globales algamando niveles récor y de fenómenos climáticos cada vegada más estremos como seques, inundaciones o ñevaes, Rebelión Científica defende, por exemplu, por una descarbonización darréu. La selmana qu’entra, la so llupa tará puesta n’Azerbaiyán, onde se celebra esti añu la Conferencia de la ONU sobre’l Cambéu Climáticu.