El Gamonéu busca formientu autóctono

Los espertos del IPLA estudiaron 200 bacteries presentes nel quesu pa facer dos fórmules

El proyectu del Grupu Operativu Gamonéu, que busca desendolcar formientu autóctono formao por bacteries naturales de la lleche pa la ellaboración d'esta variedá de quesu, entamó les pruebes con dos amiestos algamaos a partir de seis microorganismos sacaos directamente d'esti productu de lleche típicu del Principáu.

Esti martes entamó la tercer fase d'execución del proyectu con una xornada na planta pilotu del Institutu de Productos Lácticos (IPLA) del CSIC pa probar estos dos tipos de formientu autóctono, algamaos a partir de bacteries de variedaes de quesu tradicional fecho con lleche crudo y ensin adición de formientos comerciales.

Nes instalaciones del IPLA, xunto a los queseros de la DOP, ellaboraráse quesu con esti formientu autóctono pa seleccionar lo que s'utilizará na última fase del proyectu.