Atopen per primer vegada n'Europa un viérbene planu exóticu qu'amenacia'l mediu marín

Investigadores de la Universidá d'Uviéu alcuentren exemplares n'Avilés y Xixón

Investigadores de la Universidá d'Uviéu y del Serviciu Rexonal d'Investigación y Desenvolvimientu Agroalimentariu (Serida) identificaron, per primer vegada n'agua d'Europa, la presencia del viérbene planu 'Postenterogonia orbicularis', una especie exótica que supón una "amenaza" pal mediu marín.

Según informó esti martes la institución docente, estos exemplares nativos del Océanu Pacíficu fueron alcontraos nel agua del Cai d'Avilés, de San Xuan y del Cai Deportivu de Xixón.

Los científicos alvirtieron de qu'esta especie representa una "seria amenaza" pa los ecosistemes locales y la industria acuícola, especialmente pa los cultivos de bivalvos como muxones y ostres, yá que ye un depredador voraz d'estos moluscos".