Los neandertales podríen ser los autores de les pintures rupestres d'Asturies y Cantabria

L'estudiu d'una investigadora asturiana de la UNED yá s'asoleyó en revistes científiques

Una investigadora asturiana de la UNED abrió la posibilidá de que los neandertales fueren los autores de les pintures rupestres d'Asturies y Cantabria, frente la teoría aceptada de que foi l'home modernu. La investigación forma parte de la tesis doctoral de l'autora, que codirixe'l catedráticu Mario Menéndez Fernández y el profesor Jesús F. Jordá Pardo.

¿Ye posible que los neandertales fueren los autores de les pintures más antigües de la fastera cantábrica? Nun hai evidencies indiscutibles, pero tampoco argumentos que les refuguen. Esta premisa dio pie a una investigación de la UNED qu'afita que los neandertales teníen capacidá pa crear y comprender les pintures rupestres.

L'estudiu analizó pintures nes cueves asturianes de La Peña de Candamu, Tito Bustillo y Llonín; y nes cántabres de El Castillo, La Pasiega y La Garma.

La investigación yá s'asoleyó en revistes científiques.