Identifiquen xelu formao fai 5000 millones d'años nel Sistema Solar

La investigadora Noemí Pinilla-Alonso ta detrás del estudiu qu'agora s'asoleya na revista 'Nature astronomy'

El telescopiu espacial James Webb, un observatoriu desenvueltu gracies a la collaboración internacional, captó la primera semeya del xelu del Sistema Solar formao fai 5000 millones d'años.

Esti afayu allúgase dientro del proyectu DIsCO enfocáu al estudiu de la distribución del xelu y el polvu nel Sistema Solar, que lidera la investigadora del Institutu de Ciencies y Tecnoloxíes Espaciales d'Asturies (ICTEA) de la Universidá d'Uviéu Noemí Pinilla-Alonso.

Pinilla-Alonso, que desenvolvió los postreros nueve años de la so carrera investigadora nel Florida Space Institute de la Universidá Central de Florida y ye amás esperta collaboradora de la NASA, lidera na Universidá d'Uviéu un proyectu centráu nel estudiu de la distribución del xelu y el polvu nes superficies de los cuerpos menores del Sistema Solar.