Los ciberataques amenacen el tresporte marítimu mundial

Astilleros Gondán implementa les midíes de seguridá nes sos embarcaciones

Astilleros Gondán ta construyendo nes sos instalaciones d’As Figueiras esti barcu autónomu dafechu con 24 metros d'eslora pa inspección submarina que nun necesita tripulación. Opera remotamente dende tierra, lo que demanda una tecnoloxía bien avanzada, esplica Andrea García, inxeniera naval n'Astilleros Gondán.

Tecnoloxía que se pue hackear. Delincuentes nes redes que cunten cola tecnoloxía y la preparación abonda pa faese con barcos de manera remota y, por casu, estrellalos.

La Organización Marítima Internacional obliga dende va tiempu a perfeccionar la tecnoloxía emplegada nel sector naval pa evitar esti tipu d'ataques.

Meyores nos sistemes de navegación, nos de xeneración d'enerxía o propulsión, pero resulta complexo adaptase nes empreses a estos cambeos. Los hackers, davezu, lléven-yos ventaya.

Ciberataques qu'amenacen el tresporte marítimu mundial, que mueve'l 90% del comerciu internacional.