Intervención con una novedosa prótesis de muñeca nel Hospital San Agustín

La paciente pue volver mover l'articulación y nun siente dolor

El Serviciu de Traumatoloxía del Hospital Universitariu San Agustín d'Avilés, del área sanitaria III, fizo per primer vegada n'Asturies una artoplastia total de muñeca con una prótesis que llogra menguar el dolor del paciente ensin que tenga que renunciar a la movilidá de l'articulación.

Hasta esti momentu, la intervención más avezada pa solliviar o acabar col dolor en casu de patoloxía dexenerativa severa, como l'artritis reumatoide y l'artrosis avanzada, o les fases más tardíes de la enfermedá de Kienböck, consistía n'afitar los güesos que xunen los brazos coles manes (artrodesis), lo que dexa la muñeca del paciente inmóvil.

El traumatólogu especializáu en ciruxía de la mano Sergio Roncero foi l'encargáu de facer la intervención, el pasáu 29 de payares.