Dos investigadores asturianos viaxen camín de la Antártida pa facer una campaña polar internacional

Van estudiar el reflexu del sol na superficie xelada de la Antártida como indicador del cambéu climáticu

Van llevar alantre xeres científiques clave nuna de les rexones más relevantes pal estudiu del cambéu climáticu y la malura nel xelu polar.

Pa entender qué ye'l proyectu Palantarice hai que saber lo que ye l’albéu: la relación ente la enerxía qu'incide na superficie y lo qu'esto reflexa. Cuanto más baxu, mayor ye'l calentamientu, apunta Susana del Carmen Fernández, xeóloga planetaria del Ictea.

Susana del Carmen ye coinvestigadora principal del Proyectu Palantarice, escoyíu pol Comité Polar Español pa participar na campaña científica antártica, en collaboración con Uruguái. Pa Ronny, doctorando en xeoloxía planetaria, ye'l so primer viaxe, señala Ronny Y. Anangono, doctorando de Xeoloxía.

Nesta campaña van analizar cómo inflúi la rugosidá del terrén y les impureces. Na Antártida lleguen a atopase restos de quemes.

Van agospiase un mes nuna cabaña con otres cinco persones. Nun saben en qué condiciones. Namás que van con muncha ilusión y que nun van tener agua caliente.

En febreru un astrofísicu de la universidá d'Uviéu va xunise a la investigación dende la base española Juan Carlos I.