Jennifer Kefauver, talentu de los Estaos Xuníos p'Asturies gracies al programa Aristos

El trabayu de la bióloga molecular en llaboratorios de referencia n'epixenética va notase nel HUCA

So la lluvia Jennifer Kefauver, anque de los Estaos Xuníos, paez una asturiana más. En 2023 esta graduada en Bioloxía y Física pola Universidá de Virxinia dexó Suiza pa desenvolver la so carrera n'Asturies como investigadora postdoc del Conseyu Superior d'Investigaciones Científiques (CSIC). Dende va cinco meses investiga gracies a un cobiciáu Marie Curie del Programa Aristos, un contratu con financiamientu européu qu'atrái talentu internacional. Namás hai 10 en tol país en biomedicina.

A los sos 35 años yá asoleyó como investigadora principal en 'Nature' un estudiu sobro los mecanismos moleculares comunes en múltiples especies que causen el dolor. Un primer pasu pa diseñar nel futuru nueves melecines pa tratalu con menos efectos secundarios.

Esta investigación qu'empecipió nel prestixosu Llaboratoriu del Nobel Ardem Patapoutian, ye la base qu'aplica nesti otru d’Epixenética y Nanomedicina que dirixe Mario Fraga pa estudiar modificadores epixenéticos.

Nun foi hasta segundu de carrera cuando afayó que podía y quería ser científica. N'Asturies, cuatro de cada diez investigadores son muyeres según datos del Institutu Nacional d'Estadística. La conciliación familiar sigue siendo una dificultá equí y allá.

Jennifer vieno pa quedar. Ye asturiana por ‘escoyeta’.