Ochenta equipos benefíciense de les ayudes pa l'actividá científica d'escelencia convocaes pol Principáu

Los grupos d'investigación demanden contratos bien pagaos, más estabilidá y menos burocracia

Un grupu del ISPA ye'l que recibió más financiamientu na convocatoria. Servirá-yos pa investigar tratamientos anovadores, que nun son nada frecuentes nos tumores de cabeza y pescuezu señala Juan Pablo Rodrigo, investigador principal del grupu de cáncer de cabeza y pescuezu del ISPA-Finba.

Otru grupu recibió la mayor puntuación na convocatoria. Un grupu de llarga trayectoria, con una decena de patentes y un oxetivu principal: que la so investigación básica, llegue a les empreses, que s'aplique detalla Miguel Ferrero, investigador principal del grupu de Química Bioorgánica de la Universidá d'Uviéu.

Per otru llau, 37 persones trabayen nesti gran grupu dedicáu a investigar sobro intelixencia artificial. L'ayuda dexará-yos faer contratos predoctorales y anovar equipos que, nel so campu, quéden-y anticuaos en pocu tiempu asegura Camino Rodríguez Vela, investigadora principal d'AIDA (Artificial Inteligence and Data Analysis) de la Universidá d'Uviéu.

Son namás tres grupos de los 80 a los que se concedieron les ayudes d'escelencia del Principáu. 11,2 millones que van dexar a los equipos cubrir les necesidaes del día ente día y contratar investigadores, daqué vital, aseguren, anque reconocen que nun ta too fecho.