Once empreses asturianes de base tecnolóxica nel Mobile World Congress de Barcelona

L'oxetivu ye presentar a la rexón como paraísu startup

Once startups asturianes de base tecnolóxica tán presentes dende güei nel Mobile World Congress de Barcelona, el mayor eventu de telefonía y tecnoloxía del mundu, onde les marques presenten les sos últimes novedaes.

Les empreses asturianes van tar arropaes por una delegación institucional qu'encabeza'l viceconseyeru de Ciencia y con stand propiu.

Nesta edición, el congresu espera superar los 101.000 visitantes del añu pasáu. Nél, Asturies quier presentar a la rexón como paraísu startup pa promocionar a les empreses emerxentes y atraer talentu, amás de captar financiamientu.

Esta mañana, el rei y el presidente del Gobiernu inauguraron el congresu que va concentrar hasta'l xueves les últimes meyores tecnolóxiques.