Biólogos de la Universidá estudien la medría de la perceba

Les percebes que tán estudiando son de mala calidá, les que los profesionales nun garren pa la so venta

Saber cómo afecten les condiciones de la mar a la medría de les percebes. Esto ye lo qu’analiza un estudiu nel que participa la Universidá d’Uviéu. Pa ello, el mes de payares pasáu, somorguiaron trenta baldoses con percebes nel cai de Cuideiru. Agora, tán midiendo lo que medraron enantes d’instalalos en diferentes zones del dique señala Pelayo Rico, del departamentu d’Ecoloxía de la Universidá d’Uviéu.

Les percebes que tán estudiando son de mala calidá, les que los profesionales nun garren pa la so venta. La idea ye midiles, davezu, con un calibre y un escáner pa ver la so evolución.

Nesti proyectu, que ta financiáu pola fundación Biodiversa, participen les universidaes d’Uviéu y de Vigo.