'Pink', la cara fósil más antigua d'Europa

Una nueva especie d'home primitivu

Atopóse n’Atapuerca la cara fósil más antigua d'Europa. Ye un afayu pervalible, que supón identificar una nueva especie d'home primitivu, que se remonta 1.400.000 años. La Universidá d'Uviéu participa na investigación.

Bautizóse como 'Pink', pol color arrosao del fragmentu facial atopáu nel xacimientu burgalés. Correspuende al homínidu más antiguu d'Europa, una especie distinta y más primitiva que l’homo antecesor. Esti afayu reinterpreta la cronoloxía conocida hasta agora porque ruempe col paradigma sobre la primer ocupación humana n'Europa.

Son relevantes les ferramientes de piedra atopaes, sobre manera los artefactos fechos en cuarzu, analizaos pola Universidá d'Uviéu. Apurren claves sobre la so capacidá d'adaptación a la redolada

Nos próximos meses, los investigadores van siguir analizando estos resclavos pa confirmar dafechu que tamos ante una nueva especie.

Esti fósil abre un campu d'investigación relevante sobro l'orixe, evolución y diversidá de los homínidos y refuerza’l papel d’Atapuerca pa conocer la evolución humana.