Los biólogos constaten la escasez de la xarda nel Cantábricu

Los pescadores tán mui esmolecíos pola cayida del stock

Les primeres impresiones de los biólogos confirmaron la escasez de la xarda nel Cantábricu. Pel momentu, namás atoparon máximos de 200 güevos, cuando superaben los 1.000 en campañes anteriores, esplica Isabel Riveiro, científica del Institutu Oceanográficu d'España.

Precisamente, los científicos prevén un amenorgamientu del 22% de les captures p'anguaño, pasando de les 739.000 tonelaes del 2024 a les 577.000 del 2025.

Los pescadores tán esmolecíos pol cayente de la especie, yá que ye'l recursu peláxicu con mayor valor económicu d'Europa, esplica Jonathan Rodríguez, pescador de Galicia.

La presión sobro la especie aumentó, especialmente, pola sobrepesca unillateral de dellos países estracomunitarios como Noruega o Islandia, yá que tán esplotando esti recursu mui percima de lo sostenible, señala Julián Fernández, armador de Llastres.

La segunda fase de los estudios fechos pol Institutu Oceanográficu d'España va ser clave pa saber si la xarda ta a nada del colapsu.