L'asturiana Cafés Oquendo empieza a xenerar el so propiu nitróxenu

La producción del elementu supón un aforru económicu y un amenorgamientu de la contaminación

L'asturiana Cafés Oquendo empezó a xenerar el so propiu nitróxenu coles mires d'amenorgar la contaminación, pero tamién-y supón un aforru económicu. Hasta agora mercaben el gas y llevábenlo camiones.

El director de Producción de Cafés Oquendo, Olegario Lavandera, esplica que ye más barato producilo y son ellos quien controlen la calidá. El mecanismu cumple les directrices de la industria alimentaria pa esti tipu de procesos y resulta más sostenible pal mediu ambiente.

El detonante pa tomar esta decisión foi la recién fuelga del tresporte, pero tamién ye más seguru al evitar l'accesu d'un tanque de gas de grandes dimensiones. A ello súmase'l costu de la electricidá y ye que'l preciu cuasi se triplicara.

El nitróxenu resulta imprescindible nel procesu granible del café, pa caltener toles propiedaes una vegada envasao, tanto molío, como en granu o en cápsula y que nun s'aferruñe.