Cincuenta espertos analicen l'impactu de les tecnoloxíes nos menores

Rubén Pérez Correa anima a les ciudaes a crear espacios nos que los mozos puean sociabilizar

La próxima selmana, el grupu de 50 espertos impulsáu pol Ministeriu d'Infancia y Mocedá p'analizar l'impactu de les tecnoloxíes nos menores, va ponese a trabayar.

L'oxetivu ye xenerar una redolada dixital segura y evitar que, por casu, puean aportar a conteníos violentos.

Unu de los primeros pasos ye implementar mecanismos pa qu'esti tipu de conteníos nun tean al algame de la mano de los menores.

De toes maneres, pa que l'ociu dixital nun seya una de les úniques alternatives, Rubén Pérez Correa, secretariu d'Estáu de Mocedá y Infancia, anima a les ciudaes a crear más espacios nos que los mozos puean sociabilizar.

Pérez cree que ye clave cuntar con ellos, por casu, a la hora de definir polítiques d'empléu y vivienda. Considera que nunca se-yos escuchó y que faelo ye necesario pa que seyan parte activa de la vida política.

Otru de los oxetivos del nuevu Ministeriu: lluchar, de la mano d'Educacion, escontra l'abandonu escolar. Tamién, ayudar a les families a qu'esfruten dafechu de la crianza incentivando los amenorgamientos de xornada.