El Centru Médicu va usar el robot Da Vinci n'intervenciones d'uroloxía y colon

Úsase en ciruxíes d'alta complexidá yá que da más precisión

El Centru Médicu va usar el robot quirúrxicu Da Vinci n'intervenciones d'uroloxía y colon. Llegó en marzu y hasta agora ficieron tres operaciones de xinecoloxía y obesidá con esta ferramienta desarrollada por inxenieros de la Nasa.

El robot, únicu n'Asturies, ye más precisu que la ciruxía laparoscópica tradicional porque ameyora la visión y amplía’l campu d'acción. Ye tan precisu que pue suturar la piel d'una uva.

El robot Da Vinci úsase en ciruxíes d'alta complexidá yá que da más precisión al ameyorar la visión -la so cámara pue aumentar hasta diez vegaes una imaxe- y ampliar la maniobrabilidá: pue xirar l’instrumental hasta 540 graos, una vuelta y media.

Da Vinci tien tres partes: el robot con cuatro brazos articulaos, la torre esterna y la consola. Con ésta última ye cola que los ciruxanos remanen el robot. Puen ver en tres dimensiones l'interior del cuévanu nel que tán trabayando.

Fuera de quirófanu la consola sirve de simulador. Ye cuasi como un videoxuegu y los dos ciruxanos certificaos pal so manexu aseguren que "engancha". Úsase pa entrenar inclusive los fines de selmana y déxalos ensayar les intervenciones cuasi hasta la perfección.

Da Vinci volverá entrar n'acción el próximu xueves. Tien programaes dos operaciones de xinecoloxía.