El sector tecnolóxicu ye ún de los que más medró n'Asturies na última década

El trabayu medró en más d'un 30%, hasta los 8.000 trabayadores

El sector tecnolóxicu ye ún de los que más medró n’Asturies na última década y la previsión ye que siga medrando porque nun hai actividá económica qu’escape a la dixitalización. Los especialistes insisten en qu’agora ye’l momentu d’aprovechar la oportunidá p’atrayer esti tipu d’empreses a Asturies.

Telecom Méxicu ye l’últimu anunciu d’inversión n’Asturies d’empreses TIC, pero nun ye la única. De 2010 a 2020 el númberu de compañíes tecnolóxiques medró un 45%. Yá son un millar. Y el trabayu medró en más d’un 30%, hasta los 8.000 trabayadores.

Les TIC yá son una industria elles mesmes. Anque nun hai datos rexonalizaos d’esportación d’esti tipu de servicios, la media nacional afita que representen el 16% del total de les ventes nel esterior.

Seresco ye una de les tecnolóxiques más veteranes n’Asturies. Entamará a cotizar nel mercáu alternativu bursátil enantes de fin d’añu. Tamién piensa doblar la facturación hasta los 60 millones d’euros y xubir de 700 a mil el númberu de persones trabayando, les más n’Asturies.