Estudiantes residentes nel Medialab de la Universidá d'Uviéu diseñen un sensor de CO2 pa colexos

El dispositivu monitoriza la calidá del aire de les aules en tiempu real

Un grupu d'estudiantes residentes nel Medialab de la Universidá d'Uviéu diseñó un sensor de CO2 pa colexos. El dispositivu mide costantemente la calidá del aire y quier amenorgar les posibilidaes de contaxos nes aules.

Conocencia, innovación y tecnoloxía pa torgar l'impactu de la pandemia. Un grupu d'inxenieros y diseñadores, residentes nel Medialab de la Universidá d'Uviéu, diseñaron un sensor de CO2 pa colexos.

El sensor tamién ta venceyáu a una aplicación móvil, que dexa monitorizar la calidá del aire de les aules en tiempu real.

Unu de los oxetivos del proyectu ye averar la electrónica y la fabricación dixital a los centros escolares.

Na web del Medialab, los estudiantes asoleyaron una serie de tutoriales pa que los colexos puean construyir los sos propios sensores.