Investigadores de la Universidá d'Uviéu presenten el dispositivu ELEM-SPOT

Comercializáu por una de les principales multinacionales d'instrumentación analítica

Los investigadores de la Universidá d’Uviéu, Jorge Ruiz y Mariella Moldovan, presenten el dispositivu ELEM-SPOT, comercializáu por una de les principales multinacionales d’instrumentación analítica del mundu.

Estu instrumentu ye capaz de cuantificar compuestos que contienen osíxenu, azufre o nitróxenu con gran precisión en muestres industriales, mediuambientales o biolóxiques. Desendolcólu’l grupu d’investigación GEAB, de la Universidá d’Uviéu, en collaboración cola universidá francesa de Pau, y la multinacional Total Energy.

El dispositivu ta comercializáu pola empresa Japonesa Shimadzu, dexando llevar les idees desendolcaes na universidá a la sociedá.

Una de les sos aplicaciones ye midir los compuestos de los combustibles o’l plásticu, pa poder amenorgar les emisiones contaminantes qu’estos xeneren.

P’averar esti equipu a la ciudadanía, crearon un manga nel qu’espliquen el so funcionamientu.