La diferencia de xéneru ye mayor en titulaciones científiques de FP n’Asturies

L’estudiu afita que’l Principáuta per enriba de la media nacional en vocaciones científiques

Un informe fechu por Valnalón evidencia la diferencia de xéneru qu’hai n’Asturies nes enseñances STEAM (ciencia, tecnoloxía, inxeniería, arte y diseñu y matemátiques), que se fai sobre manera llamativa en Formación Profesional, onde namás el 10% de les muyeres matriculaes fáenlo en ciclos venceyaos con estes disciplines.

Esta ye una de les principales conclusiones del estudiu diagnósticu "Asturies 4STEAM", nel que s’analiza la evolución de les enseñances científiques y tecnolóxiques nos últimos diez años en tolos niveles educativos.

L’estudiu afita que’l Principáu d’Asturies ta per enriba de la media nacional en vocaciones científiques y en númberu de muyeres matriculaes en ciencies nos niveles obligatorios y Bachilleratu.