La espedición científica 'La España Azul' recala estos díes en Xixón. La espedición, la primera navegando a vela alredor d'España, tien como oxetivu documentar l'estáu nel que tán los ecosistemes marinos, poniendo'l focu na contaminación por plásticu.
Faen amás actividaes divulgatives, al traviés de llimpieces de sableres, charres en colexos o con visites al barcu pa dar a conocer el so llabor.
Salieron en setiembre del País Vascu, y van navegar per tola mariña, incluyendo les islles, hasta xunu. N'Asturies, esti mes, centraránse en tres llugares: Xixón, Ribeseya y la reserva parcial de Barayu, en Navia.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL