La startup asturiana Sunthalpy, una de les 10 galardonaes na feria d'empreses emerxentes South Summit

La compañía consigue algamar el premiu na categoría de tecnoloxía climática

El so proyectu innovador p'aumentar la eficiencia enerxética nos llares fixo que la startup uvieína Sunthalpy, consiguiera'l premiu South Summit 2024 na categoría de tecnoloxía climática asegura Raúl del Coso, director de Tecnoloxía de Sunthalpy.

La clave, un sistema d'alta eficiencia por aciu de suelos radiantes ensin obres que dexa un gran aforru. Un gran llogru, aseguren, consiguir unu de los 10 premios ente los 100 finalistes d'esta competición y que supón la reconocencia al trabayu de munchos años.

Nesta decimotercer edición de la feria por escelencia de les empreses emerxentes participaron 16 startups asturianes.