Luminalia investiga la inactivación del SARS-CoV-2 con radiación ultravioleta

El trabayu de la compañía acaba de ser reconocíu ente los tres meyores de toa España

Luminalia, una empresa asturiana dedicada al sector del llume y la eficiencia enerxética aniciada en Siero, lidera n'España una investigación sobro la inactivación del virus SARS-CoV-2 por aciu de la radiación ultravioleta de tipu C.

El trabayu d'esta compañía, que cunta con financiamientu d'Hunosa Empreses, acaba de ser reconocíu ente los tres meyores de toa España pol Ministeriu de Ciencia y Innovación nuna convocatoria d'ayudes pa faer frente a la pandemia de la COVID-19.

Según informó la filial de la hullera pública nun comunicáu, la inactivación del coronavirus por aciu de tecnoloxía de radiación de lluz ultravioleta nun fuera estudiada hasta la fecha y amosóse "como una solución bien afayadiza como complementu a otru tipu de llabores de desinfección, de cara a tener espacios y ambientes totalmente llibres de virus activaos".