Medren les ciberestafes nes reserves de vacaciones

La empresa Armatum señala como causa principal la mengua de personal pal control

N’agostu de 2023 rexistráronse 2,2 millones de webs fraudulentes. Les estafes on line más avezaes son les axencies de viaxes falses, les ufiertes de xalés con piscina que nun pertenecen al que les ufierta o entraes pa conciertos o eventos del branu.

Pa evitar fraudes, lo primero qu’hai qu’usar ye’l sentíu común, asegura Manuel Carpio, director de seguridá d’Armatum, nuna entrevista en TPA Noticias Matinal.

El 'phishing' sigue siendo la estafa más común. El 39% de los usuarios d’internet asegura recibir correos electrónicos sospechosos con ufiertes de viaxes.

El branu ye la dómina de más estafes. Armatum señala como causes la mengua de personal pal control, la medría del trabayu remotu o l’usu de conexones wifi non protexíes.