Signal Software ye la encargada de diseñar pa EDP la copia virtual de la futura planta d'Aboño

La tecnoloxía detrás de los ximielgos dixitales dexa aforrar tiempu y dineru

El futuru del valle del hidróxenu d'EDP n'Aboño va depender, en parte, del so ximielgu dixital. Una ferramienta qu'emplega les nueves tecnoloxíes pa esperimentar con procesos granibles de manera simulada, ensin comprometer patrimoniu nin persones.

Nos ordenadores cópiense con total precisión procesos industriales complexos que dexen a les empreses probar cambeos antes d'aplicalos na vida real. Llámense ximielgos dixitales.

Signal Software ye la encargada de diseñar pa EDP la copia virtual de la futura planta d'hidróxenu d'Aboño, qu'estos díes pue vese na feria de muestres.

La tecnoloxía detrás de los ximielgos dixitales nun ye nueva, pero'l so usu xeneralizóse nel últimu llustru. Dexa aforrar tiempu y dineru y facilita la formación de los futuros trabayadores, esplica Víctor Vieira, xefe de Proyectu de Signal Software.

Esta pequeña empresa tecnolóxica xixonesa yá creó los ximielgos dixitales de patrimonios como Samiguel de Lliñu o la puerta d'Alcalá pa la so rehabilitación y prepárase p'aplicar los ximielgos dixitales a la fabricación de melecines en 3D.